Ha O Jala E Sa Le Meso

1. Ha o jala e sa le meso, U jala motshear'o moholo, U jala e sa le hosasa, U sa phetse le mantsiboya, Kotulo e'a ba kakaang! (bis)

Tse jadiloeng leseding, lefifing Ka phokolo, ka matla a tletseng, Di tla ba jwang mohla di kotulwang?

2. Ha o jala le ka tumelo, Ha o jala ka mehla, kahohle, U sa tshabe le mokhathala, U ntse o jala peo e ntle, Kotulo e'a ba kakaang!

Tse jadiloeng leseding,...

3. Ha o jala le ka tumelo, U ntse o nosetsa ka thapelo, Dinyedisong le mahlomoleng, U tla khora ka nako ya teng. Kotulo e'a ba kakaang!

Tse jadiloeng leseding,...

4. Ha o ka jala ka bowatla, Ditshebo, diphapang, le bothata, U jala o sa hlokomele, Ka ho swaswa le ka bohale, Kotulo ya ba kakaang!

Tse jadiloeng leseding,...

5. Ha o jala tse bohloko, Tse khelosang, tse timetsang batho, Tsa lebitso le senyehileng, U jala dihlong tse sa feleng, Kotulo e'a ba!

Tse jadiloeng leseding,...

6. Tse molemo di jale jwale, Ka dipuo le diketso tse ntle; Leha e ka ba ka meokho; Jala, o tla kotula thabo. Kotulo ya ba kakaang!

Tse jadiloeng leseding,...