Lekholo La Dinku

1. Lekholo la dinku kaofela Le ne le le ka sekeng, E 'ngoe ho tsona ya tswa, ya thoba. Ya balehela naheng; Har'a dithota le dithaba. Ke ela e lelerang fela. (bis)

2. Modisa o siea nku tse ding, O tsamaya ka matla; O ya batla nku e lahlehileng, Wa batla, wa pheella. Utlwang! wa hwa, o nts'a hwa: U kae na, o kae na, nku ya ka? (bis)

3. E 'ngoe fela o e batlela'ng, Tse ding di sa le ngata? O re: nku eo ruri ke e ratwang, Ke eona ya bohlokwa. Oho, mphollelleng, ke ya rapela, E kae na, e kae, nku eo ya ka? (bis)

4. O hlwa meepa le dithota, O ya methipoloheng; Har'a mafaru, har'a dinoka, Dikhohlong le diqhooeng. Hohle mohoo wa utlwala: U kae na, o kae na, nku ya ka?

5. dipula, difefo, dirame, Letsatsi le bohale, Lefifi le leholo le nyene, Che, ha a di tsotelle. O nts'a tsamaya o nts'a hwa: (bis) U kae na, o kae na, nku ya ka?

6. Ha a s'a shwele ke letsapa, A fufuletswe madi, 'Mele kaofela o le maqeba, Jo, a utlwa pobodi. A tswa meokho, a hlomoha: Ana ke wena na, nku ya ka?

7. Mohlomong nku eo e n'e oetse, E bile ya fafoha. 'Me a e sibolla e fokotse, E le khatheng la ho shwa. Tlatse jwale ya utlwahala: Thabang, ke fumane nku ya ka? (bis)

8. Mahodimo a tlatsa lefatshe; Har'a makhotla-khotla, Hohle ke mehoo, ke ditlatse; Ba thaba, ba nyakalla, Ba hlohoma ka ntswe le le leng: Thabang, nku ya Morena e teng! (bis)