Wena Jesu Wena Fela

1. Wena, Jesu, wena fela, Wena eo ke mo ratang, Ke ya o laba-labela, Na ke tla o bona jwang?

Wena, Jesu fela, Wena, 'Moloki wa ka.

2. Wena, Jesu, wena fela, Ha ho thabo e kalo, Ha nka re, o Jesu wa ka, 'Me le 'na ke le wa hao!

Wena, Jesu fela, …

3. Wena, Jesu, wena fela, U nkhodisisa pelo; Tsohle tse ding ke lefela, Ha nka o rua, Jesu.

Wena, Jesu fela, …

4. Wena, Jesu, wena fela Lefatsheng lehodimong, Har'a ba batle kaofela, Che, ha ke tsebe e mong.

Wena, Jesu fela, …

5. Wena, Jesu, wena fela, Ke iteletse ruri; Ho shwa ha ka le ho phela Ke tsa hao, o di rere.

Wena, Jesu fela, …

6. Wena, Jesu, wena fela, Wena ka bosafeleng, Jesu, ke tla o phelela, Ke le ho wena khanyeng.

Wena, Jesu fela, …