Seforo Ke Se Fumane

1. Seforo ke se fumane, Moo ke hlolang ke tshabela; Ho 'na ke qhobosheane E tshepahalang, e matla.

O khotso e kaakang, E mpolokang pelo, Khotso e fetisang, Khotso ya Jesu!

2. Mohla ke bonelang hole Moroeroe wa pelaelo, Ke belehela kapele Ho Morena ka thapelo.

O, Khotso e kaakang, …

3. Maqhubu a mahlomola Ha a nkwela ka morwallo, Moo ke tshabelang, ka phele, Ke Moreneng ka thapelo.

O, Khotso e kaakang, …

4. Ha ke dikwa, ke patelwa Ke makhotla a meleko, ke ya thothomela, ke ya sutha; Ke a qhala ka thapelo.

O, Khotso e kaakang, …

5. Difing, har'a madumela, Marabeng a ditakatso, Se mphonyosang, ke lla fela Ho Morena ka thapelo.

O, Khotso e kaakang, …

6. Che, seforong se sekalo Ha ho letho le ka ntshosang; Jesu o lebela khoro, Ke eena ya ntlhabanelang.

O, Khotso e kaakang, …

7. Seqhobong seo se 'makatsang, Mekhosi ha e mphihlele; Ke ho Jesu ya mpolokang; Ke dutse ke iketlile.

O, Khotso e kaakang, …