Pholosa Ntate

1. Pholosa, Ntate, pholosa, Oto la ka le theletse, Ke sitwa le ho ithusa; Oho, pholosa, ke oetse!

2. Jo, jo, ke oetse bodibeng, Ke phosumela, ka teba; Ke se ke le ya timetseng; U nkinole, ke ya fela!

3. Jo, sebe se ntse se hoba; Na ke tla itshwarella ka'ng? Ke idibana fela Har'a koeetsa e ferellang.

4. Jo, motho ya madimabe, Na ke ne ke ipona jwang Ha ke ithetsa hakale, Ke re ke 'na ya tshepehang!

5. Ke ne ke ipala matla, Cheseho le phadimeho; Athe ke bala lefela, Le seriti sa tumelo.

6. Jwale, ke ho hlobohile Ho itshepa hona ha ka; Bo'na bo se bo ntahlile, Ke sallwa ke wena fela.

7. Ka mehla se mpholositseng, Ke sehlare sa mohau; Boya, Jesu ya nthatileng, U mpholose le kajeno.