O Baeti Ba Hlahlathang

1. O, baeti ba hlahlathang, Le re le maho a matsho, Le khathetse: khatholohang, Sebaka ke sa kajeno!

2. Kwelang merwalo ya lona, Le hlakole dikeledi; Hlohlorang role la tsela, Tlong, le phomole, baeti!

3. Le hlwahlwaetse lefeelleng, Lenyora le le khamile; Le se le fihlile Edim, Tlong meriting, le phomole!

4. Leha le fumanehile, Le se na le lethonyana, Tlong hle, lebese le veine Le beetswe tsona fela!

5. Ikhutseng, moo ke monateng; Ho bohobe ba bophelo, Ho le metsi a phodileng; Tlong, le khore ka tumelo!

6. Ha le thoha ngalong ena, Le thohe le matlafetse; Le fepilwe ke Morena, Pelo di tshweo, di khotshe.