Ntate, Lerato La Hao

1. Ntate, lerato la hao le lekaakang! Le ntshithabetsa kutlo, ke le ntlhollang; Le ntletse pelo, le khaphatsehile, Leme la ka le mpa le rarehile.

Ke mang ya ka bolelang … Lerato le hlollang, Rato la Modimo Le bolokang?

2. Ha ke eme ka ho tsota mawatle, Madiba-diba a teng a bilohang, Rare, lerato la hao le hosele, Bodiba boo hase bo ka lekanngwang.

Ke mang ya ka bolelang …

3. Ke lelala ke boha lehodimo, Ho phatlalla, ho phahama ha lona; Se mpang se ntimeletsa mehopolo E nts'e le lerato la hao, Morena.

Ke mang ya ka bolelang …

4. E, le ikhurumetseng difahleho, Lona ba lehodimong, bakhethehi, Ha le hloedisa koetsa ya lerato Le sa tsejoeng botebo le moedi.

Ke mang ya ka bolelang …

5. Binang lerato la hae le mohlolo; E, Modimo o ratile modibe; 'Me modibe ya ratiloeng hakalo Ke 'na, e, ke 'na ka sebele-bele.

Ke mang ya ka bolelang …