Jo, Khalefo Ya Modimo

1. Jo, khalefo ya Modimo e befile, E benya, e thetheretsa! Jo, lehodimo le tuka ke bohale, Jo, sefefo sa ditlepetsa! Le tla tshabela kae, baetsadibe, Ha ho tshabeha hakana? O, tshabelang ho Jesu kapele: Jesu ke khotso ya rona.

2. Inamolohang, le lelale ka tshepo, Fefo se se se ya khutsa: Sefapanong, khohola tsa dithohako Di tsholoha, di phuthumetsa. Baetsadibe, le khobe matshwafo, Boning 'Moloki wa lona; Elang pelo, bohang seefapano: Jesu ke khotso ya rona.

3. Sefahleho sa Modimo se edile, 'Me se benya ke lerato. Le shoetswe ke Jesu, lona, le phedile: Ho lona ha ho sa le tsuo. Baetsadibe, thabang, le dumele; Ratang 'Moloki wa lona! Jesu, Mor'a Modimo sebele: Jesu ke khotso ya rona.

4. E, ka 'nete Jesu ke khotso ya rona; Taba tsohle di monate; Le ka hlaha khotla ka tshepo le lona, Modimo le ka 'mitsa Ntate. Baetsadibe, bana b topollo, Se lobeng letlotlo lena; Tumisang kahohle ka nyakallo: Jesu ke khotso ya rona.