Modimo O Re Ratile

1. Modimo o re ratile, Rona dikhwahlapa, Dira tsa hae tsa sebele, Mehlaka-follela.

Jo, le hlolla hakaakang, Rato le lekalo! Le sa khetseng mang kapa mang, Rato la modimo!

2. Mohla o rerang topollo, Menono kaofela Ya mafatshe, ya mebuso, E bile lefela.

Jo, le hlolla hakaakang…

3. Khanya, bongata, le hloeko Tsa ba lehodimong Ha di bape le topollo Ya motho a le mong.

Jo, le hlolla hakaakang…

4 E,ke eena ka sebele Mor'a hao a 'notshi Ya tsoileng, eseng osele, Ho shwela lefatshe.

Jo, le hlolla hakaakang…

5 Jo, khale le phethehile Rato le mohlolo! Madi a hae a lefile, Re na le topollo.

Jo, le hlolla hakaakang…

6. Ana ke ka o rata jwang, Ke o boke, ke re'ng, O, mong'a ka ya ratehang, Uen'a ntopolotseng?

Jo, le hlolla hakaakang…

7. Kea imelwa pelong ya ka, Ke lliswa ke thabo. Ahe, ahe, ke ya boka, Jesu ya lerato!

Jo, le hlolla hakaakang…