Ke Fumane Bofihla

Mino wa pele

1. Ke fumane bofihla Bo sieo lefatsheng; Ke thabo ya ka mehla, Khotso e sa feteng. Leha dillo di le teng, Le dipelaelo.

Ke motho ya thabileng, Ke sa na le khotso. (bis)

2. Leha ke le maswabing, Ha ke le bodutu, Ha ke ya lahlehileng, Ke san a le Jesu. Ke eena ya ntshedisang Ka rato la 'nete;

Ke yena ya mpuisang Hamonate-nate. (bis)

3. E, ke tsebile mara, Sediba se babang; Ka tliswa teng, ka noeswa Hangata hakaakang! Ha ke seka meokho, Ke nwa ka bohloko,

Ka tutubollwa mahlo, Ka fumana Jesu. (bis)

4. Hang metsi a phekolwa, 'Me a ba monate Ha ke noeswa ke eena, Moren'a ka, ntate. Ka itlhakola dillo, Ke dihlong ho bua,

Ka mo aka letsoho, Fuba sa phatloha. (bis)

5. Jesu, hase le botle! Ha ke le ho wena, Meriting o phodileng, ke ya khatholoha. Didibeng tsa lerato, Tse kollang ka mehla,

Ke ikhella nyakallo, Le khotso, le matla. (bis)