Matšoele a batho bale

1. Matšoele a batho bale Ana a subuhlellana'ng? Ka pheello e kaakale, Na le re, a tsamaela'ng? Utloang ka moo a arabang: Ke Jesu, ke Jesu ea fetang.

2. Jesu eo a tla bathong, Lihlorehong le bohlokong; Likhoahlapa, le lihole, Ba tlisoa, ba thaba bohle, Ha ba utloa ba bolelang: Ke Jesu, ke Jesu ea fetang.

3. O fihlile, o hlahile Eena, Jesu ka sebele; Pel'a menyako ea rona O teng, o rata ho kena. Ka thabo, e-reng le ba bang: Ke Jesu, ke Jesu ea fetang!

4. Helang, lona ba khathetseng, Bonang tšoarelo e tletseng; Le lona lohle, bakhelohi, Bonang, ke eena 'Moloki. Baetsalibe, nyakallang: Ke Jesu, ke Jesu ea fetang.

5. Empa ha le ka mo hana, Rato la hae la le nyonya, Le eena o tla le ila, A hane ha le rapela Leha le lla, ho fetile: Ruri, Jesu o s'a fetile.