Jesu O Ntsa Bitsa

1. Jesu o nts'a bitsa, o re: Ana ke tla roma mang? Kotulo e kholo ruri; Ke mang na, ke mang ya yang? Morena o nts'a tlerola, Moputso o mongata; Na ke mang ya ya araba: Roma 'na, ha o rata? (bis)

2. Leha o sa rongoe hole Ho ruta bahedene, Bona ba tletse kahohle, Le kwano ba haufi. Menono ha o e hloka Ho e abela Jesu, Abela tsa bofutsana, Mo abele ka pelo! (bis)

3. Leha o sitwa ho ruta Ka matla, ka hlalefo, Na o ka sitwa ho pheta: Modimo o lerato? Ha o se na matlanyana Ho tsosa ba baholo, Ya bokella dikonyana, U di tlise ho Jesu. (bis)

4. Leha o sa beoe qhooeng Ho tumisa tsa khotso, U ka rapela sephiring, E ntse e le tshebetso. Rapella, 'me o tshehese Bahlanka ba Modimo, Etlaba o seditse Tse kholo, tse molemo. (bis)

5. dumela lentswe la Jesu: Ana ke tla roma mang? Bona, kotulo e kholo; Na o sa diehelang? Dumela ho ya kahohle Moo ho ratang Morena; Phakisa, mo arabele; E-re: Roma, roma 'na! (bis)