Dibe tsena tsa ka

1. Dibe tsena tsa ka, Tse ngata, tse kholo, Di nkimetse , dia ntshita Ke nyahame pelo,

2. Ke 'nile ka leka, Ka re, a di fele! Ha ho hlakolehe tshila Di sa setse tsohle

3. Ka re ke tla baka, Ke hlobohe dibe; Athe ke ha di tla ata, Le ho tswela pele

4. Yaba moo letswalo Le ntomang kahare, La re: o hlokile thuso, Bona, o thethetswe.

5. Ka ba kahopola Taba e monate E reng madi a konyana A hlakola dibe

6. Ke motho ya khopo, Ke bolela dibe; O, konyana ya Modimo, U ntlhatswe, ke phele!