Jo 'Na Lefifi Le Letsho

1. Jo 'na, lefifi le letsho, Pelong ho 'na le lekaakang, Le tsona riti tse kholo Tsa dintho tsee ke di ilang!

2. Dipalla tsa Moren'a ka, Fahleho sa hae se setle, Di diketse mahlong a ka, Ke thibane le ditsebe.

3. Ke se ke utlwela hole, Jo, ke bonela lerothong; Le tumelo e timile, E itse lore ka pelong.

4. Leha e le hlasenyana, Hlase fela, ho lekane. Oho, tukisa tetema Pelong ya ka e serame.

5. Ka ntle ho 'na le kahare Ho apohe le lesoiti, Tumelo e be e khanye, E qhalanye le mehodi!

6. Nke ke bowele ke o bohe, Ke utlwe Moathamela, Moren'a ka, ke tsamaee Ka tumelo le ka matla!