Na O Kokomalla'ng

1. Na o kokomalla'ng Lefifing le letsho? U nts'u hanellela'ng Teronkong ya lefu?

Jesu o tlile, Ke Molopodi; O thuile mamati; Tswa, o tswe kapele.

2. Le tse o tantileng, O se re, di matla; Ke ntho tse bodileng, Di nathoha fela.

Jesu o tlile, …

3. Leha o tsiapa, O se o khathetse, Leka le ho khasa, Ha o pholositswe.

Jesu o tlile, …

4. Teronkong, tse jewang Na ha di manyala? 'Me le tse aparwang Na ha di ditshila?

Jesu o tlile, …

5. 'Me o qenehela'ng? O khahlwa ke dife? Ke'ng e ka o tshwarang Teronkong ya dibe?

Jesu o tlile, …

6. U tsohe ka tshepo, Sedi le chabile' Matla, tokoloho, Di ho wena tsohle.

Jesu o tlile, …

7. Mofo wa tahleho, Nyakalla kajeno; U ngwan'a Modimo, Moratuwa wa Jesu.

Jesu o tlile, …