Tsohang, emelang Jesu

1. Tsohang, emelang Jesu, Raohang kapele; Yang ka mafolo-folo, Le memiloe bohle. Mokhosi o ntse o lla, Se keng la dieha; Phallang, le e'o hlomela, Ba bang ba le siea.

2. Tsohang, emelang Jesu, Aparang dihlomo; Ka shamatla ya 'nete. Ikhahleng matheka! Evangedi ya khotso E rwaleng maotong; Nkang thebe ya tumelo, Le poloko hlohong!

3. Tsohang, emelang Jesu, Aparang ho loka, Ho phatsime difubeng, Ho fahle le dira. Le letsohong le tshware Lerumo la Moya. Le hlomeletswe ruri: Phallang, le e'o lwana!

4. Tsohang, emelang Jesu; Lesang ho itshepa; Bonatla bo boholo Ke phokolo fela. Tadimang ho Morena, Hlobohang bokwala; Ikhothatseng ka yena, Le lwane ka matla.

5. Ha le emetse Jesu, Dintwa di fedile, Le le maphuphuthela A madi, lerole; 'Me le tla tsokodiswa Ke yena Monghadi; O roka ba kang lona Ba le mehwabadi.

6. E, mohlang oo ke Jesu Ya tla le emela; A le ise Moreneng, Tulong tse hlomphehang. Le bahale ba tswang ntoeng, Le tsejwa ke hona. Busang ka ho sa feleng Le yena Morena!