Fatsheng la bomadimabe

1. Fatsheng la bomadimabe, La ho hlomoha pelo, A re kholeng tse monate, Re khetheng tse bohloko. Ha letsatsi la kajeno Le chabile, le khanya, Re se belaelleng maru A ka hlahang hosasa!

A re jaleleng ba bang Tsa mosa, tsa molemo, Tsa khotso e ahisang, Le tsa lehlohonolo!

2. Re se keng ra belaela Ha re na le tsietsi; Leha di re bokanela, Di le kaa ka dinotshi; Haholo re di lemoheng Tse monate le tsona, Tsee Ntate ya re ratileng A re sitsang ka tsona!

A re jaleleng ba bang,…

3. Che, hase meutlwa fela, Le ditshehlo tse hlabang, Tse mpe, tse hlokofatsang, Tse ntseng di thiba tsela; Palesa le tsona di teng, Tholwana tse hlabosang, Tsa thabo e phethehileng, Tsa khotso e khodisang,

A re jaleleng ba bang,…

4. A, ka 'nete, borapedi Le ho kholwa ha pelo Di etsa motho morui Le har'a tse bohloko. Leha ntshi di le moekho, Thabo e ntse e kola; Kantle ke ntwa, ke meleko, Kahare: khotso fela.

A re jaleleng ba bang,…

5. Ke atetswe ke ditshitso, Di mela tseleng ya ka; Ke di boha ka makalo, Ke sitwa ho di bala. Ke o ake hle letsoho, O Rare, wa mpaballa Leha ke fellwa ke puo, Ahe, hle, ke ya boka!

A re jaleleng ba bang,…