Utloa, morutuoa oa Morena

1. Utloa, morutuoa oa Morena, O bua le wena: O kae eo ke tla mo roma? E-re: U rome 'na

Ke lena lefatshe lohle, Le ahlamile; U ka ea kae le kae, Ho nts'o tletse baetsalibe. U ba utloele bohloko, Ke ba seng ba ea timela U e'o ba bolella Jesu Ea pholosang batho; Ba fele ba bolokehe Ka ho sa feleng!

2. U boletse he, u mohlanka, Oa u roma joale; Kereke ea hae ea u roma, Hammoho le yena. Ke lena lefatshe ...

3. Tsamaea, ngosa la Morena, Ea moo a u romang; U se hlole u reteleha, Hloka se u sitang. Ke lena lefatshe ...

4. Fatshe la heno u le tele, Le baa u ba ratang; Moo u eang, u tla b'u fihlele Bana beno ba bang. Ke lena lefatshe ...

5. Tsatsi la hae mohla le fihlang Jesu a u boke: U tlisitse ba bang leseding, U bile khabane. Ke lena lefatshe ...