Ho phela ho Morena wa ka

1. Ho phela ho Morena wa ka, Lekunutung la hae, Ho rutwa ke yena Jesu Ke le maotong a hae, Ha ho lehlohonolo le kang leo, Ha ke bona, La ho utlwa hoba Jesu Ke dintho tsohle ho 'na.

2. Moe'a ka ha o tepeletse Ke dipelaelo, Ke khathaditswe ke ntwa E sa khaotseng ya tumelo, Ke ya mo utlwa a nkhothatsa, Tsebeng e 'nyenyeletsa Tse ntshepisang, tse monate, Tse se nang ho bolelwa.

3. 'Na ke 'molella tsohle tse ntsietsang, Tse ntswabisang. O mamela tsohle ka sebete Se sa ntatiseng, E le motswalle ho 'na Le ka ho senola dibe Tsa ka tsee a di bonang, A ratang hoba di fele.

4. Hoja nka 'na ka phela Le Jesu ka mokhwa ona, Ke ne ke tla 'ne ke fetohe Ya tshwanang le yena, Ka khalalelo, ka boineelo Le boitelo, Ka thabo le ka khotso, Haholo le ka lerato.