Jo, ho phela ha rona ke'ng?

1. Jo, ho phela ha rona ke'ng? Bokhabane, matla, Ke toro e re hapileng Ke moholifela

2. Bochaba, ditaba, merero, Bosea, boqheku, Lefu ha le setse letho, Lefu le sehloho

3. Leha re ka itšoarella Ka tse ngata-ngata Lefu lea re khohola, Rea kukoa, rea feta.

4. Leha re ka qea-qea Lefu le bohale! Lintho tsohle lia re siea, Re siisoa tsohle

5. Empa, tshenyehong e kalo, Uena, u sa sala, Uena, Moren'a bophelo, Fika la ka mehla.

6. Ho rona o setshabelo Sa ka mehla yohle; Ha re na ho tšoha letho Ha re u tšepile

7. Oho! U re hlalefise, Re tele tse felang; Morena, u re ruise Lintho tse hlolehang.

8. Ha re fihlisoa lebopong La noka ea lefu U re nkele leholimong, Lefatšeng la heso!