Hale Mpotsa Tshepo Yaka

1. Ha le mpotsa tshepo ya ka, Ke tla re, ke Jesu; Ka lapetse ho mo aka; Ha hae ke haeso.

2. Le re, ke bone'ng ho eena? Ke bone phomolo; Thabo e leng ho Morena Ha e na phetoho.

3. Ka na ka nyoreloa botle, Ka tsoa tsoa ke batla, Ka tsieloa ke ntho tsohle, Ka felloa ke matla.

4. Athe Jesu o n'a mpona Ha ke lela jwalo; A mpitsa a re: Tlo ho 'na, U fole matswalo.

5. Joale ke khotshe ka mehla Mohau wa Modimo; Ke qadile ho iketla Tshepong ya hodimo.