Hlohonolo Ke Laba Sa Rateng

1. Hlohonolo ke la ba sa rateng Ho kopana le ba sa dumeleng, Le ho ya ka ditsela tsa e mobe, Le ho dula setulong sa mosomi; Ba thabelang molao wa Modimo, Ba o bala nyene le bosiu.

2. Ba tla tshwana le fate se melang Makopanong a diba tse kwellang, Se sa hakweng ke ho bea ha sona, Se khahlisang ha motho a se bona, Se mahlaku-matala ka mehla; Ba kang sona, bona ba iketla,

3. Ha ho jwalo le ya bolotsana, O fefolwa ke setsokotsane, E le mooko o se nang ho bolokwa; Taba tsa hae di se di tla rohakwa, O tla tsuwa kahlolong ya bohle, A lelekwe pontsheng ho ba batle.

4. Mahlo a teng a qamakang mekhwa E khopameng, le e tlang ho bokwa. Mahlo a mang? A moran'a marena. Taba tsohle di lekanngwa ke eena: Ba lokileng o tla ba emela, Ba leng khopo bona bat la fela