Utlwang Sello Sa Dichaba

1. Utlwang sello sa dichaba, Ke sello sa phohomela: re ya timela! (bis) Ke sa chaba tsa ba batsho, Tse ngata-ngata, tse kholo, Tse hole le tse haufi, Le tse mose ho Zambesi.

2. Jo, ho ka bolela mang na Tse re nyarosang tsa bona? Bomadimabe! (bis) Lefifing le letsho-letsho Ba holehiloe ke lefu; Ba tletse tshoho le nyooko, Ba Iahlehetswe ke tshepo.

3. Na ha le hlomohe pelo, La ba la utlwa boh oko. La lla meokho? (bis) Na hase ba habo lona, Ba lefatshe la Afrika? Na le bona ha se batho? Na ha ba shwelwa ke Jesu?

4. Utlwang, le Moren'a lona, O nts'a lla, O sa nts'a bitsa: Ke tla roma mang? (bis) Hleka O hlokile motho Har'a bana ba Lesotho, Ha le khutsitse kaofela, Ho nts'o bitsa Mong'a lona?

5. Ana ho ya araba mang Jwale, ka pelo e tukang: Nthome, Morena! (bis) Ke bothata o bo tshabang, Lehae o le qenehetseng, Ha o re: Ho ka ya ba bang, 'Na che, ha ke na taba teng?

6. O, se iketleng hakalo, Le hlaphoheloe boroko; Nako ya feta! (bis) Se someng Moren'a lona Ya pheellang ho le roma, Tsohang, se keng la dieha! Ba dichaba ba timela.