Lehodimong, Hae Le Letle

1. Lehodimong, hae le letle, Hae la ka la phomolo, Jes'o nketeletse pele, O mpeetse ditulo.

O, ngwan'eso ya khathetseng, Ya khotsheng pelaelo, Etla pelo, lehae le teng, Hae la phomolo! Le ka mose ho Jordane, U bohe ka tumelo Fatshe leo le khabane, Hae la phomolo!

2. 'Na ha nka ke ka kena teng Ke nanara, ke tshaba, Ha 'Moloki ya nthatileng A le teng, a ntebella. O, ngwan'eso ya khathetseng,….

3. Jesu ke yena ya ntsebang, O nchoetse sefapanong; Wa mpuella, wa nthapella Le jwale, dihodimong. O, ngwan'eso ya khathetseng,..

4. A ke ke a hakwa ke 'na, O ntseba le lebitso, Madi a hae a le ngola Le bukeng ya bophelo. O ngwan'eso ya khathetseng,..

5. Empa le 'na ha ke kena, Ke 'mona sefahleho, Ke tla mo tseba, le yena, Jesu, Mor'a Modimo. O ngwan'eso ya khathatseng,..

6. O, ho tla ba monate jwang Ho kopana le yena, Jesu eo ke mo ratang, Jesu ya nthatang le 'na! O, ngwan'eso ya khathatseng,…