Jo, ke madimabe jwang

1. Jo, ke madimabe jwang, Ke soto hakaakng! Ke ya hlora , ha ke iketle, Jesu, ha o diketse. Ke tsamaya ke teneha, Dintho tsohle di bosula; Nkhauhele, Morena, Ke tsetselela wena.

2 Ke setse ke maketse Jo, ke tepeletse; Ha ke tsamaya ke le mong, Ke maswabi, ke dihlong. Na o kae, 'Moloki wa ka, Jesu, tsatsi la ho loka? Ho lefifi kahohle; Jesu, o nkhauhele!

3. O tabole lesira Oho, tlosa lera Le mpatelang wena, Jesu, Le mpakelng maruru, Ha ke ntse ke qhaqhasela, Ke shwele ke mohatsela, Oho, boya, nchabele, Nke ke bowele ke phele!

4. Na ke sa tla kopana Le wena, Morena, Ke o bohe sefahleho, Le 'na ke khore thabo? Ha o ntahla, ke khutsana, U ntshibolle, ke shwele, Jesu, ke o tshepile.