Ke Wang Basotho

1. Ke wa'ng, Basotho, Mokhosi O llang lefatsheng la lona, O reng: Sokolohang? {bis} Ke mokhosi wa Modimo, Morena ya matla 'ohle; O tla a tshoere khalefo; Tshabang, le mo khumamele!

2 Utlwang, Basotho, mokhosi: Ke wa ditshiu tse seng kae, O re: Sokolohang! {bis} Tshabang, letsatsi le ya tla ; La tseko le la kahlolo; Bohle ba hanneng ho baka, Ba tla hlokiswa bophelo.

3. Utlwang, Basotho, mokhosi: O hlabelwang batho bohle, Ya reng a hloke molato, A balehele ho Jesu; Ke tshabelo sa sebele, Ka ntle ho eena ke lefu.

4. Bakreste, hlabang mokhosi Ka bophara ba lefatshe, Le re: Sokolohang! {bis} E-bang sedi la lefatshe. Ba bone Jesu ka lona; Ho lelekiswe lefifi, Hohle e be khanya fela!