Morena E SA Le Hosasa

1. Morena, e sa le hosasa , Ha ke bitsa o nketele; U 'ne o ntadime ka mosa, Dibe tsa ka di hlakolwe Jesu, ke wena tsatsi la ka Oho, o nchabele pelo; E hatsetse, e ka serame , E futhumatse kajeno!

2. Tiisa dipallo tse monate, Ha o itse, o tla ngola , Ka Moya o rongwang ke ntate, Lentswe la hao pelong ya ka; U ntutubolle hle , ke bohe Dintle tse hao tse sa balweng, Haholo ke 'ne ke lemohe Rato la hao le makatsang!

3. Ha o se o tla khaohana Le barutuwa ba pele, Wa re: Se reng le dikhutsana, Ke sa boya, le ntebelle! Re o hlolohetswe, Morena, Tlo, fapohela haeso; U kene dipelong tsa rona, Re tlale ntle tsa hao, Jesu!