Dilemo Tsa Bocha

1. Dilemo tsa bocha e ka palesa, Palesa e ponang, e omelle; Tsatsi ha le chaba, le tla e chesa, Ka mantsiboya e timele. Na bocha ba motho hase palesa? Phakisang, phakisang, tlong ho Jesu! Nako ke kajeno, se reng: Hosasa; Tlong, le mo neele dipelo!

2. Ba mo sebeletsang, dintho kaofela Di sebetsa molemo ho bona; Tseo ba di tetseng ho mo latela Ba nka ha lekholo ho tsona Le eona palesa e na le thuto E bolellang bohle: Fadimehang! Re kashwa kajeno, eba ke phetho; Tsatsi ke kajeno,phakisang.

3. Re hopoleng 'Mopi bocheng ba rona, Letsatsi le lebe le e-s'o tle, Lee re ka hlokang sebaka ka lona Sa ho 'matla ka pelo eohle. Ratong la Modimo ke ntse ke phela. Ke filwe 'Moloki ya nthatileng; Palesa ha e-shwa, teng ke ho fela, 'Na, ha ke 'shwa, ke ya ho pheleng.

4. Jesu, bocheng ba ka o nkamohele, Mohla ke shwang ke tle ke ee khanyeng; Ha ke ntse ke hola, ke o phelele, Ke ntan'o finyella monateng! Jesu, bocheng ba ka o nkamohele, Mohla ke shwang ke tle ke ee khanyeng; Ha ke ntse ke hola, ke o phelele, Ke ntan'o finyella monateng!