Ntate Ya Rona Ya Hodimo

1. Ntat'a rona ya hodimo, Bitso la hao le halalele; ho ke ho tle 'muso wa hao, (bis) O anafale hohle.

2. See o se ratang, Morena, Se etswe kahohle lefatsheng, Jwale ka ba le ho wena (bis) Ba se sebetsa botleng.

3. O re siele kajeno Bohobe ba ka mehla eohle. U khodise le dipelo (bis) Tsa bana ba hao bohle.

4. O re tshwarele melato, Jwale ka rona re tshwarelang Diketso tse mpe tsa batho (bis) Ba melato ho rona.

5. Se re tlohele melekong, U re lwele bobeng, Morena, Re be re finyelle hlwekong (bis) Le khanyeng e ho wena.

6. Hobane 'muso ke wa hao, Matla, le khanya le bophelo. U tletse 'nete le mohau (bis) Ka ho se nang bofelo.