Mekete Ya Lefatshe

1. Mekete ya lefatshe Ke ya e baleha; Khale ke e thabetse, Jwale ke ya e tela; Ke kholwa ke Jesu, Ke mo neile pelo, Ho mo ananela. (bis)

2. Ke tswaletswe lefifing, Hole le Modimo; Esale k'e-shwa dibeng Ke hloka bophelo; empa Mor'a motho O nchwetse melato, Ke bone tshwarelo. (bis)

3. A tloha lehodimong Ho mpatla lefatsheng; O shwele sefapanong Ho ntopolla dibeng; Teng a etswa tefo, 'Na ka etswa mofo, Ke moo a nthuileng. (bis)

4. Le kajeno wa nthata Ka rato la mehla; Moya wa hae wa nthuta, Ke sa ipha matla, Ke rorise Jesu Ya ntlholetseng lefu, Satane, Lebitla. (bis)