Fadimeha, sebaka ha se khanya

1. Fadimeha, sebaka ha se khanya 'Me o tshepa letsatsi le letle; Pelong ya hao, sefefo se ka tsoha, Se tla o diha, moeti. Fadimeha, hosasa, mantsiboya, bis Rapela ka mehla

2. Fadimeha, etswe ntho tsa lefatshe Di o lebatsa tsa lehodimo; U inkele motsotso wa bonnotshi Ka thapelo le Modimo. Fadimeha, hosasa, mantsiboya, bis Rapela ka mehla

3. Fadimeha, ha ho tlile bosiu, Hopola molemo wa Morena! Mo hlanolele pelo le bophelo, U jarollele ho yena! Fadimeha, hosasa, mantsiboya, bis Rapela ka mehla

4. Fadimeha, kahohle le ka mehla; Sera se tswe se ntse se o lalla Ho tlatlapa khotso le moqhakana O baletsweng ke Morena. Fadimeha, hosasa, mantsiboya, bis Rapela ka mehla