U Tla Nketela Neng?

1. O tla nketela neng? Mong'a ka, ke ya o laba-labela, 'Na ya tepeletseng. ke ya fela, ke bile ke khathetse; U tla nketela neng, Moren'a ka?

2. O tla nketela neng? Dinaha di nelwa ke dipula, Le jwang ke diphoka, 'Na ke ka sebataolo fela; U tla nketela neng, Moren'a ka?

3. O tla nketela neng? Fahleho sa hao, ha se edile, Ke thabo ho bohle. Jo, ke lefifing, 'na ke swabile! U tla nketela neng, Moren'a ka?

4. O tla nketela neng? Na nkaba khutsana-khutsana jwang Ntate, ha o le teng? O, ke o hlolohetswe hakakaang! U tla nketela neng, Moren'a ka?

5. O tla nketela neng? Oho, chabela ka pelong ya ka, Khotso e tebileng! E phallele, e tlale ka ho 'na Mohla o nketetseng, Moren'a!