Le Hopotse Kae

1. P. Le hopotse kae, ba heso? Mpolelleng, ke ya rapela; Bonang, ho thibane maru, Lefifi le ya tshabeha.

K. Re hopotse fatsheng le hole Ke lefatshe la kanana, Fatshe le ratehang, le letle. Oho, tsamaya le rona!

bohle: O, tsamaya le rona, 'Me mohla re fihlang kanana, Re o fihlele, le wena.

2. P. Taba ke dife, ba heso? Mpolelleng ke ya rapela, Le potlakela'ng hakalo? Ke'ng e tswang ho le hlahela?

K. Re titimiswa ke letswalo, Re bitsitswe ke morena; Ha ho monyaka o mokalo, Ha re hopotswe ke eena…

bohle: O, tsamaya le rona,…

3. P. Na le tshepa'ng na, ba heso? Mpolelleng, ke ya rapela. Na le tla bona tse kholo, Tsee le tla kholwa ke tsona?

K. Re tshepile tse makatsang; Letlotlo, 'muso, le lefa; Tse sa boleloeng, tse ratehang; Dintho tse se nang ho fela.

bohle: O, tsamaya le rona…

4. Leha a dieha, P. Ha ho le jwalo, ba heso, Mpolelleng ke ya rapela, Le fufulelwa'ng hakalo, Ha le se le tshoere tsela?

K. Ha re hlobohile lefatshe, Re pheeletse ho loka, Morena o re dumetse, Ha hae re se re tla kena.

bohle: O, tsamaya le rona…

5. P. E, ke dumetse, ba heso, Ntumelleng, ke ya rapela; ke ya tsamaya kajeno, Ha kena ho tsila-tsila.

K. Tlo, re titime ka lebelo, Dipelo di se khathale; Re tle re finyelle hammoho Lefatsheng lela le letle.

bohle: O, tsamaya le rona…