Morena, banyadi bana, ba itletse

1. Morena, banyadi bana Ba itletse ho wena; Ba tlil'o kopela nyalo La bona hlohonolo.

Ba amohele, U ba mamele Merapelong ya bona ya jwale; Ba ipatlele Mpho tsa sebele, Hore batle ba iketle, T. le B.: Amohelang merapelo ya bona; bis Amohela kopo tsa bona. Bis

2. Bocha bo ba thabisitse, Ba khahliloe ke botle; Ba thabile, ba ratana, 'Me ba sa kha dipalesa. Ba amohele…

3. O, ba re ba tla ratana Mahlomoleng le thabong! Maloetseng le boiketlong Ba 'ne ba hlokomelane. Ba amohele…

4. Ba tshabise ho fapana, Ba be le mamellano, Ba tsebe ho tshwarelana Ho ba hlokisang hlonamo. Ba amohele…

5. Tseleng ena ya bophelo Hammoho ha ba hata, Ba felehetse Morna, Ba nenese ka letsoho. Ba amohele…

6. Ba fihle phellong ya tsela, Ba sa ntse ba ratana; Ba tle se ke ba sieana, Ha ba ya fihla ho wena. Ba amohele…