Moren'a ka, ke sa bua

1. Moren'a ka, ke sa bua le wena, Ke ingosa e le 'na ho wena; Mamela hle, ntshekehele tsee, Ke lla ke kopa ka 'nete-nete. Jesu ya nolo, Reko la hao A le lekane (bis) Kopo tsa ka tsohle (bis)

2. Ke lesitsi, ke hlokile ho loka, Ke lokelwa ke kahlolo fela; Ha ke bona, ke na le dibe tsohle, Ke ditshila, ke mobe kahohle. Jesu ya nolo, Reko la hao A le kwahele (bis) Dibe tsa ka tsohle. (bis)

3. Ke bakile, ha ke sa rata dibe, Empa botswa, tepello, tebalo Ha di fele; ho itshepa le hona, Ho se utloe, ke khathatso ruri. Jesu ya nolo, Reko la hao A le kwahele (bis) Tshitso tsa ka tsohle. (bis)

4. Tshiu tsa ka, leha di le telele, Leha o ka 'nea tse khutshwane, Ha di tlala tshwabo le mahlomola, Le dipabo, kapa mokhathala, Jesu ya nolo, Reko la hao A le lekane (bis) Tshiu tsa ka tsohle. (bis)

5. Moren'a ka, ho wena ke boletse Se ntsietsang le see ke se hlokang, Wena, Jesu, matla ke a hao 'ohle. Etsa, phetha, o sebetse tsohle. Jesu ya nolo, Reko la hao Le ke le phethe (bis) Poloko ya ka eohle. (bis)