Leetong La Rona

1. Leetong la rona la lehodimo, Mahloriso a re wela hodimo Ha re rata ho rua pholoho; Bohloko bo re latetse ka mehla, Le lefu le leka ho thiba tsela, Lefu, Morena wa botshabeho.

2. Le ho le jwalo, pallo e tiile: Motsotso wa dillo ha o fedile, Jesu o lokisitse bodulo; Ke eena tsela, 'nete, le bophelo, Ho eena re tla fumana phomolo; Mo leboheng, bana ba Modimo.

3. Pelo tsa rona di se ferekane; Matswalong tshepo ya rona e hohle; Thuso ya hae e ke ke ya hlokwa. Mohla nama le pelo di tepellang, Ke moo meea ya rona e nyakallang Ke eena, lefika la ka mehla.

4. O, Modimo wa topollo e kholo, Re abele mahlo a tumelo! Eha re utlwa dihloriso jwale, Re tla beta pelo, re ithoballe Ho Kreste, re tsohele bophelo.