Moruo wa lehodimo

1. Moruo wa lehodimo O beetswe bana Ba hlahiswang ho Modimo Ba tshwaelwa oona.

2. Ngwana enwa wa Adama O tswaletswe dibeng; Jesu, o tle ho ama, Mo hlatswe sedibeng.

3. Sediba ke madi a hao, A lefang melato Ya bohle ba tlotseng melao Ya 'Mopi wa batho.

4. Nea ngwana eo matsatsi Le lehlohonolo; Mo hlekele mona fatshe Tsela e bonolo.

5. Nea ngwana eo temoho, Etlere h'a hotse, A dumele ka teboho Hoba o mo thotse.

6. O ngole lebitso la hae Bukeng ya bophelo; Mohla a shwang, a kene hae, A pheme timelo.